Prinsippið hjá mér er að koma nú nú þeim konum sem mér finnst frambærilegar, eins ofarlega og mögulegt er …. Guðfinna fer alveg óendanlega í taugarnar á mér, en ég ætla að fara á kosningaskrifstofuna hjá henni á eftir og skoða stemninguna, gefa henni smá séns. Tími Ástu og Björns B er liðinn … þau eru orðin eins og Geir Ólafs í poppinu, það var e-n tímann gaman af þeim en það eru allir löngu búnir að gleyma þeim tíma og ástandið bara orðið vandræðalegt.
- Geir : Alltaf traustu. Hefðin færir honum 1. sætið þó hnýtingar hans út í Samfylkinguna upp á síðkastið séu fyrir neðan hans virðingu.
- Pétur Blöndal : Ætti að vera efstur á lista fyrir að fylgja bestu samvisku í flestum málum.
- Sigríður Andersen : Bara fjandi frambærileg það sem ég hef heyrt. Virkar fersk.
- Siggi Kári : Nagandi mórall yfir að hafa klúðrað úrslitaspurningunni í spurningakeppni grunnskólanna
- Dögg Páls : Rökföst, hæfilega vinstrisinnuð
og líklega næsti heilbrigðisráðherra - Guðlaugur Þór : Hefur vaxið upp úr barnaskapnum síðasta árið og er bara að verða nokkuð trúverðugur fulltrúi fjölskyldunnar
- Birgir Ármanns : Góðlegasti hægri öfgamaður sem þetta land hefur alið … en setningin hans um að enn ætti að grisja regluverkið hífði hann upp í þetta sæti hjá mér
- Illugi : Hmmmm … veit ekki, en þessi maður á auðvitað að vera á þingi. Hef bara ekki pláss fyrir hann ofar.
- Grazyna Okuniewska : Fær þetta sæti út á viðleitni. Mér finnst að það eigi að gefa útslendinum séns, þau eru að berjast við að tjá sig á íslensku og koma fulltrúum vaxandi stéttar hérlendis á þing.
- Guðfinna rektor: Síðbúið krafs til að reyna að bæta kynjajafnvægið á listanum. Kannski e-ð sé í hana spunnið?
